- Auglýsing -

Þrír Íslendingar í Norðurlandaúrvali aldarinnar

Guðmundur Þórður Guðmundsson, landsliðsþjálfari, er þjálfari í Norðurlandaúrvali sem Rasmus Boysen valdi í morgun. Mynd/EPA

Danski handknattleiksmaðurinn Rasmus Boysen er einn allra virkastur af þeim sem tjá sig um handknattleik á samfélagsmiðlinum Twitter. Hann fylgist grannt með handknattleik um alla Evrópu og jafnvel víðar.

Í morgun valdi Boysen sitt Norðurlandaúrval handknattleiksmanna á þessari öld. Þrír Íslendingar eru í liðinu. Þeir eru Guðjón Valur Sigurðssson og Ólafur Stefánsson auk þess sem Boysen velur Guðmund Þórð Guðmundsson, landsliðsþjálfara Íslands, sem þjálfara liðsins. Guðmundur hefur alls þjálfað íslenska landsliðið í um áratug það sem af er öldinni og danska landsliðið í hátt í þrjú ár og unnið til verðlauna með landsliðin á tvennum Ólympíuleikum.

Færslu Boysen er hægt að sjá fyrir neðan auglýsinguna og best er að smella á myndina og sjá liðið í heild.

- Auglýsing -
- Auglýsing -

Nýjustu fréttir

- Auglýsing -