Þrír Íslendingar í sóttkví eftir leik við landslið Bandaríkjanna

Lið Ribe-Esbjerg. Íslendingarnir þrír eru framarlega á myndinni, Gunnar Steinn Jónsson, Daníel Þór Ingason og Rúnar Kárason. Mynd/Ribe Esbjerg

Íslendingarnir þrír í herbúðum danska handknattleiksliðsins Ribe-Esbjerg, Daníel Þór Ingason, Gunnar Steinn Jónsson og Rúnar Kárason eru ásamt samherjum komnir í frí frá æfingum fram yfir næstu helgi eftir að einn félagi þeirra greindist smitaður af kórónuveirunni í gærmorgun, mánudag. Sennilegt er talið að hann hafi smitast af leikmönnum bandaríska landsliðsins sem Ribe-Esbjerg lék æfingaleik við á föstudaginn.


Eftir að leikmaður Ribe-Esbjerg greindist smitaður í gær og upp kom hópsmit í herbúðum bandaríska landsliðsins í gærkvöld voru allir leikmenn Ribe-Esbjerg boðaðir í skimun í dag. Þeir verða að sæta sóttkví þar til niðurstaða liggur fyrir á morgun, að sögn Rúnars. Hinn smitaði æfði ekki með liðinu í gær þar sem hann hafði fundið til einkenna strax á sunnudagskvöld.
Hver sem niðurstaðan verður hjá leikmönnum Ribe-Esbjerg í dag þá verður næsta æfing ekki fyrr en eftir komandi helgi.

- Auglýsing -

Nýjustu fréttir

Fjölnir tyllti sér aftur á toppinn

Fjölnismenn gefa toppsæti Grill 66-deild karla í handknattleik ekki eftir enda voru þeir búnir að sitja í efsta sæti deildarinnar þegar leikir...

Örn Ingi mætti til leiks og Víkingur vann með níu

Víkingar koma öflugir til leiks aftur eftir þriggja og hálfs mánaðar hlé á keppni í Grill 66-deildinni í handknattleik karla. Þeir tóku...

HK byrjaði vel eftir langt hlé

HK hóf keppni í Grill 66-deild karla í handknattleik í kvöld með öruggum sigri á Vængjum Júpíters í Dalhúsum í Grafarvogi, 29:18,...
- Auglýsing -