Þrír sterkir fjarverandi hjá Val

FH-ingar eiga fyrir höndum tvo leiki í Evrópukeppninini í þessum mánuði. Mynd/ J.L.Long

Valsmenn verða að minnsta kosti án þriggja sterkra leikmanna í kvöld þegar þeir mæta Haukum í Olísdeild karla í handknattleik. Eftir því sem næst verður komist verða Róbert Aron Hostert, Þorgils Jón Svölu Baldursson og Stiven Tobar Valencia ekki með. Allir eru þeir meiddir.

Róbert Aron er tognaður í lærvöðva, Stiven á í nárameiðslum en er í meðferð vegna þeirra og þá er Þorgils Jón meiddur á hné eins og handbolti.is sagði frá fyrr í vikunni.

Arnór Snær Óskarsson og Tryggvi Garðar Jónsson hafa ekkert leikið með Val á tímabilinu vegna meiðsla. Sá fyrrnefndi fór í aðgerð vegna ristarbrots fyrir um mánuði og Tryggvi Garðar, sem er afar efnileg hægri handar skytta, er að jafna sig eftir aðgerðir á hnjám vegna hins svo kallaða „jumpers knee“ sem getur verið erfitt viðureignar.

- Auglýsing -

Nýjustu fréttir

- Auglýsing -