Þýskaland í dag: Ómar, Gísli, Ýmir, Arnór, Janus, Bjarki

Arnór Þór Gunnarsson leikmaður Bergsicher HC er að hefja sitt 12. keppnistímabil í Þýskalandi. Mynd/Bergischer HC

Annarri umferð þýsku 1. deildarinnar í handknattleik lauk í dag með fimm leikjum. Íslendingar komu við sögu í fjórum þeirra.

  • Ómar Ingi Magnússon og Gísli Þorgeir Kristjánsson fögnuðu öðrum sigri SC Magdeburg í dag þegar liðið sótti tvö stig í greipar leikmanna Rhein-Neckar Löwen í Mannheim, 28:25, að viðstöddum 4.004 áhorfendum.
  • Ómar Ingi skoraði fjögur mörk í átta skotum. Eitt marka sinn skoraði hann úr vítakasti. Ómar Ingi átti einnig fimm stoðsendingar.
  • Gísli Þorgeir Kristjánsson er óðum að jafna sig eftir að hafa farið úr axlarlið í lok mars. Hann var í leikmannahópi Magdeburg en skoraði ekki og átti ekki heldur stoðsendingu.
  • Ýmir Örn Gíslason tók mest þátt í varnarleik Rhein-Neckar Löwen.
  • Arnór Þór Gunnarsson fer vel af stað á sínu 12. keppnistímabili í Þýskalandi, þar af 10. tímabilinu með Bergischer HC. Hann skoraði sex mörk og var með fullkomna nýtingu þegar Bergischer vann nýliða HSV Hamburg, 31:26, á heimavelli. Bergischer er með fjögur stig eftir tvo leiki.
  • Janus Daði Smárason og félagar í Göppingen unnu Lübbecke, 27:24, á heimavelli. Janus Daði skoraði tvö mörk í þremur skotum. Hann er óðum að ná fyrri styrk eftir að hafa glímt við erfið axlarmeiðsli og síðan efturhæfingu eftir aðgerð á öxlinni í byrjun febrúar. Göppingen er með fjögur stig eftir að hafa unnið nýliða deildarinnar í tveimur fyrstu umferðunum, HSV Hamburg og Lübbecke.
  • Bjarki Már Elísson fór á kostum og skoraði átta mörk í níu skotum, þar af tvö mörk úr vítaköstum, þegar Lemgo tapaði í heimsókn sinn til Wetzlar, 27:25. Lemgo átti undir högg að sækja allan leikinn.
  • Önnur úrslit í dag:
    Leipzig – Füchse Berlin 25:30.

    Staðan:
Standings provided by SofaScore LiveScore
- Auglýsing -

Nýjustu fréttir

- Auglýsing -