- Auglýsing -

Þýskaland – úrslit og markaskor – Bjarki Már kominn í annað sæti

Bjarki Már Elísson leikmaður Lemgo og íslenska landsliðsins. Mynd/EPA

Íslendingar komu talsvert við sögu í leikjum þýsku 1. deildarinnar í handknattleik í dag. Hér fyrir neðan er tæpt á því helsta ásamt stöðunni sem er að finna neðst.

  • Bjarki Már Elísson skoraði níu mörk, þar af þrjú úr vítaköstum, þegar hann ásamt félögum sínum í Lemgo unnu Göppingen, 34:26, á heimavelli í dag. Lemgo var fjórum mörkum yfir að loknum fyrri hálfleik, 15:11.
  • Bjarki Már er annar markahæsti leikmaður þýsku 1. deildarinnar með 96 mörk. Hann er tveimur mörkum á eftir Svíanum Niclas Ekberg hjá Kiel. Lenny Rubin leikmaður Wetzlar er skammt á eftir Bjarka Má með 95 mörk.
  • Janus Daði Smárason lék með Göppingen á nýjan leik eftir langa fjarveru vegna endurhæfingar á hægri öxlinni. Hann skoraði fjögur mörk og átti tvær stoðsendingar.
  • Teitur Örn Einarsson hélt upp á nýjan samning við Flensburg til ársins 2024 með því að skora fjögur mörk og eiga eina stoðsendingu í tíu marka sigri liðsins á Leipzig í Flens-Arena í dag, 31:21. Flensburg var fjórum mörkum yfir í hálfleik, 13:9.
  • Viggó Kristjánsson skoraði sex mörk og átti eina stoðsendingu fyrir Stuttgart þegar liðið steinlá á heimavelli fyrir Hannover-Burgdorf, 34:22. Heiðmar Felixson er aðstoðarþjálfari Hannover-Burgdorf. Andri Már Rúnarsson skoraði tvisvar sinnum fyrir Stuttgartliðið.
  • Ýmir Örn Gíslason skoraði ekki mark en var harður í horn að taka í vörn Rhein-Neckar Löwen þegar liðið tapaði með þriggja marka mun fyrir THW Kiel í Kiel, 32:29. Ými Erni var einu sinni vísað af leikvelli.
  • Füchse Berlin – HSV Hamburg 34:30.

    Staðan:
Standings provided by SofaScore LiveScore
- Auglýsing -
- Auglýsing -

Nýjustu fréttir

- Auglýsing -