Lið Guif leiktíðina 2020/2021. Daníel Freyr Andrésson er í miðri neðstu röðinni í peysu númer 16. Mynd/Guif

Daníel Freyr Andrésson og samherjar hans í Guif frá Eskilstuna féllu í dag úr leik í 8-liða úrslitum sænsku úrvalsdeildarinnar í handknattleik eftir naumt tap fyrir Sävehof, 28:27, á heimavelli Sävehof í Partille. Melker Norrman átti skot að marki Sävehof þegar fjórar sekúndur voru til leiksloka en skotið var varið og heimamenn fögnuðu sigri.


Sävehof vann þar með þrjá leiki en Guif engan í rimmu liðanna. Sävehof varð deildarmeistari á dögunum og Guif hafnaði í áttunda sæti.
Daníel Freyr varði níu skot í dag, þar af eitt vítakast, auk þess sem hann skoraði eitt mark.

Íslendingaliðið Alingsås heldur lífi í rimmu sinni við Skövde eftir sigur á útivelli í dag, 24:22. Liðin mætast í fjórða sinn á heimavelli Alingsås á fimmtudagskvöld. Bjarni Ófeigur Valdimarsson var í liði Skövde í dag en kom lítið við sögu. Aron Dagur Pálsson er frá keppni vegna meiðsla og var af þeim sökum ekki í leikmannahópi Alingsås að þessu sinni.

- Auglýsing -

Nýjustu fréttir

- Auglýsing -