Tinna Valgerður Gísladóttir skoraði 13 mörk með U-liði Fram í dag. Mynd/Fram

Ungmennalið Fram skaust í dag upp að hlið FH í efsta sæti Grill66-deildar kvenna í handknattleik með sex marka öruggum sigri á ungmennaliði Vals, 32:26, í Framhúsinu. Framarar hafa þar með 10 stig eins og FH þegar liðin hafa hvort um sig leikið sjö leiki. ÍR og Selfoss eru í næstu sætum á eftir með níu stig hvort eftir sex leiki. ÍR fékk á dögunum tvö stig eftir að liðinu var dæmdur sigur á ÍBV U þar sem Eyjaliðið tefldi fram of mörgum A-liðs mönnum í viðureign liðanna fyrir rúmri viku.


Tinna Valgerður Gísladóttir fór mikinn í liði Fram og skoraði 13 mörk í leiknum og Ída Margrét Stefánsdóttir skoraði 12 mörk fyrir Val.
Jafnræði var með liðunum að loknum fyrri hálfleik en eins og úrslitin gefa til kynna réði Framliðið lögum og lofum í síðari hálfleik.


Mörk Fram u: Tinna Valgerður Gísladóttir 13, Valgerður Arnalds 5, Arnbjörg Bertha Kristjánsdóttir 4, Elín Ása Bjarnadóttir 4, Íris Anna Gísladóttir 3, Margrét Castillo 2, Dagmar Pálsdóttir 1.
Mörk Vals u.: Ída Margrét Stefánsdóttir 12, Hanna Karen Ólafsdóttir 4, Berglind Gunnarsdóttir 3, Vala Magnúsdóttir 3, Hafdís Hera Arnþórsdóttir 2, Vaka Sigríður Ingólfsdóttir 2.

Stöðuna og næstu leiki í Grill66-deild kvenna má sjá hér.

- Auglýsing -

Nýjustu fréttir

- Auglýsing -