Tíu viðureignir eru að baki í undankeppni Evrópumóts karla í handknattleik en leikið var í gær og í fyrradag. Framundan eru tíu leikir til viðbótar á laugardag og sunnudag. Íslenska landsliðið leikur ekki um helgina, ekki frekar en mörg önnur landslið en dagskrá undankeppninnar er verulega komin úr skorðum. M.a. hafa engir leikir farið fram í einum undanriðlanna átta og alls 12 leikjum verið slegið á frest um óákveðinn tíma nú þegar kórónuveirufaraldurinn fer sem eldur í sinu.
Hér fyrir neðan má sjá úrslit í þeim leikjum sem eru að baki, stöðuna í riðlunum og næstu leiki sem fram fara á morgun og á sunnudag.
1.riðill:
Öllum leikjum var frestað. Í riðlinum eru Belgía, Frakklandi, Grikkland og Serbía
2.riðill:
Austurríki – Eistland 31:28
Þýskaland – Bosnía 25:21
Bosnía – Austurríki, sunnudagur
Eistland – Þýskaland, sunnudagur
Staðan: Austurríki 2(1), Þýskaland 2(1), Eistland 0(1), Bosnía 0(1).
Alfreð Gíslason þjálfar landslið Þýskalands.
3.riðill:
Úkraína – Rússland 27:27
Rússland – Úkraína, laugardagur
Báðar viðureignir Úkraínumanna og Rússa fara fram í Minsk í Hvíta-Rússlandi.
Tveimur viðureignum Færeyinga og Tékka var frestað.
Staðan: Úkraína 1(1), Rússland 1(1), Færeyjar 0(0), Tékkland 0(0).
4.riðill:
Portúgal – Ísrael 31:22
Ísland – Litháen 36:20
Litháen – Portúgal, sunnudagur
Staðan: Ísland 2(1), Portúgal 2(1), Ísrael 0(1), Litháen 0(1)
5.riðill:
Holland – Tyrkland 27:26
Tyrkland – Slóvenía, sunnudagur
Staðan: Holland 2(1), Pólland 0(0), Slóvenía 0(0), Tyrkland 0(1).
Erlingur Richardsson þjálfar landslið Hollands.
6.riðill:
Ítaía og Noregur mætast á laugardag. Þremur leikjum var frestað. Einnig eru í riðlinum landslið Lettlands og Hvíta-Rússlands.
7.riðill:
Norður-Makedónía – Finnland 33:24
Danmörk – Sviss 31:26
Sviss – Norður-Makedónía, laugardagur
Finnland – Danmörk, laugardagur
Staðan: Norður-Makedónía 2 (1), Danmörk 2(1), Sviss 0(1), Finnland 0(1).
8.riðill:
Svartfjalland – Kósóvó 32:25
Svíþjóð – Rúmenía 33:30
Rúmenía – Svartfjallaland, sunnudagur
Kósóvó – Svíþjóð, sunnudagur
Staðan: Svartfjallaland 2(1), Svíþjóð 2(1), Rúmenía 0(1), Kósóvó 0(1).
