Tíu marka sigur á næsta efsta liðinu

Aron Pálmarsson. Mynd/Barcelona

Aron Pálmarsson skoraði tvö mörk fyrir Barcelona þegar liðið vann sinn sautjánda sigur í spænsku 1. deildinni í handknattleik í dag. Barcelona sótti þá Bidasoa Iruna heim til Baskalands en um var að ræða frestaðan leik úr 9. umferð. Barcelona vann með tíu marka mun, 37:27, eftir að hafa verið átta mörkum yfir að loknum fyrri hálfleik, 20:12.

Forskot Barcelona á toppnum jókst með sigrinum þar sem Bidasoa Irun er í öðru sæti deildarinnar. Barcelona hefur 34 stig eftir 17 leiki en Bidasoa 26 stig. La Rioja og Ademar er þar á eftir með 24 stig hvort. Ademer á leik inni sem fram fer síðar í dag.

Mörk Bidasoa Irun : Kauldi Odriozola 6, Jon Azkue 3, Iker Serrano  3, Jon Azkue 3, Adrian Crowley  3, Iñaki Cavero 2, Sergio De la Salud 2, Mikel Zabala 2, Julen Aguinagalde  2, Rodrigo Salinas 1.

Mörk Barcelona : Aleix Gómez 7, Timothey N’Guessan 5, Aitor Ariño 5, Luka Cindric 4, Ludovic Fabregas 3, Raul Entrerrios 3, Alex Pascual 2, Dika Mem 2, Luis Diogo Da Sousa 2, Aron Pálmarsson 2, Blaz Janc 1, Cedric Sorhaindo 1

- Auglýsing -

Nýjustu fréttir

- Auglýsing -