Tíundi þjálfarinn rekinn á fjórum árum

Igor Vori hefur tekið hatt sinn og staf og kvatt starf sitt hjá RK Zagreb. Mynd/EPA

Igor Vori mátti axla sín skinn í morgun eftir fimm mánuði í starfi sem þjálfari króatíska meistaraliðsins RK Zagreb. Hjá fáum félögum er stóll þjálfara heitari en hjá króatíska meistaraliðinu en Vori er tíundi þjálfari liðsins á fjórum árum sem fær sparkið.

Gengi Zagreb-liðsins í Meistaradeild Evrópu hefur ekki verið eins og best verður á kosið. Liðið hefur tapað þremur fyrstu leikjum sínum, þar af tveimur á heimavelli. Einnig tapaði Zagreb-liðið báðum leikjum sínum í úrslitahelgi Austur-Evrópudeildarinnar (SEHA-league) sem fram fór snemma í síðasta mánuði.

Danski handknattleiksmaðurinn Rasmus Boysen tók saman lista yfir þjálfara Zagreb-liðsins síðustu árin eftir brottrekstur Vori í morgun. Listinn er hér að neðan. Á meðan að hver þjálfarinn á fætur öðrum hefur orðið að axla sín skinn þá sitja stjórnendur félagsins sem fastast, þar á meðal forsetinn.

- Auglýsing -

Nýjustu fréttir

- Auglýsing -