- Auglýsing -

Tóku upp þráðinn þar sem frá var horfið fyrir jól

Mynd/Egill Bjarni Friðjónsson

Efsta lið Grill66-deildar kvenna, ÍR, hóf nýtt ár í kvöld á svipuðum nótum og það lauk því síðasta. ÍR-liðið vann ungmennalið Vals með 18 marka mun, 40:22, í Austurbergi í kvöld. Léku leikmenn ÍR við hvern sinn fingur og skoruðu m.a. 11 leikmenn mörkin.

ÍR hefur þar með 19 stig eftir 11 leiki og er fjórum stigum á undan Selfoss sem á að vísu tvo leiki til góða. Selfoss mætir ungmennaliði HK á sunnudagskvöld ef allt gengur samkvæmt óskum. Ungmennalið Vals er eftir sem áður í fimmta sæti.

Aldrei lék vafi í kvöld hvort liðið færi með sigur úr býtum. ÍR tók öll völd á leikvellinum strax í upphafi og hafði 11 marka forskot að loknum fyrri hálfleik 19:8.

Mörk ÍR: Dagbjört Ólafsdóttir 7, Hildur María Leifsdóttir 7, Ksenija Dzaferovic 7, Karen Tinna Damian 5, Stefanía Ósk Hafberg 4, Matthildur Lára Höskuldsdóttir 4, Anna María Aðalsteinsdóttir 2, Vaka Líf Kristinsdóttir 1, Fanney Ösp Finnsdóttir 1, Laufey Lára Höskuldsdóttir 1, Sylvía Jónsdóttir 1.

Hildur Öder varði mjög vel í marki ÍR og var með um 50% markvörslu.

Mörk Vals U.: Ásrún Arnarsdóttir 5, Berglind Gunnarsdóttir 5, Hildur Sigurðardóttir 3, Kristbjörg Erlingsdóttir 3, Arna Eiríksdóttir 2, Erna Björgvinsdóttir 2, Brynja Katrín Benediktsdóttir 1, Hafdís Hera Arnþórsdóttir 1.


Stöðuna og næstu leiki í Grill66-deild kvenna er að finna hér.

- Auglýsing -
- Auglýsing -

Nýjustu fréttir

- Auglýsing -