Tumi Steinn með sjö í sjöunda sigrinum í röð

Tumi Steinn Rúnarsson, leikmaður Coburg 2000. Mynd/Iris Bilek, Facebooksíða Coburg

Tumi Steinn Rúnarsson lék afar vel og skoraði sjö mörk í átta skotum auk stoðsendinga þegar lið hans Coburg vann að minnsta kosti sjöunda leik sinn í röð í þýsku 2. deildinni í handknattleik í kvöld. Coburg lagði Eldflorenz í Dresden, 29:25, eftir að hafa verið tveimur mörkum yfir að loknum fyrri hálfleik, 15:13.


Tumi Steinn var markahæstur í liði Coburg sem situr í 13. sæti með 28 stig eftir 29 leiki. Liðið er aðeins stigi á eftir Empor Rostock sem hefur leikið tveimur leikjum fleira. Ludwigshafen er stigi á eftir og á tvo leiki á Coburg og fimm á Rostockbúa.


Gummersbach er efst í deildinni með 48 stig eftir 30 leiki og Nordhorn er þar á eftir með 40 stig en á leik til góða á lærisveina Guðjóns Vals Sigurðssonar í Gummersbach. Hamm-Westfalen er skammt á eftir Nordhorn. Alls verða leiknar 38 umferðir í deildinni.

- Auglýsing -

Nýjustu fréttir

- Auglýsing -