Tveir bætast í EM-hópinn

Guðmundur Þórður Guðmundsson og aðstoðarmaður hans, Gunnar Magnússon hafa í mörg horn að líta þessa dagana. Mynd/Hafliði Breiðfjörð

Valsararnir Magnús Óli Magnússon og Vignir Stefánsson koma til Búdapest á morgun og bætast í íslenska landsliðshópinn í handknattleik.

Hríðfækkað hefur leikhæfum mönnum í landsliðshópnum á síðasta sólarhring. Þrír hafa greinst jákvæðir í dag og aðrir þrír dag. Er svo komið að aðeins 14 leikmenn verða á skýrslu í leiknum við Dani í kvöld. Að jafnaði eru 16 leikmenn til taks í hverjum leik.

HSÍ staðfesti komu Magnúsar Óla og Vignis í fyrir stundu.
Þeir hafa farið í PCR skimun heima í dag eftir því sem næst verður komist en ekki var hægt að staðfesta komu þeirra fyrr en það lá fyrir.

Magnús Óli og Vignir eiga að vera klárir í slaginn með landsliðinu gegn Frökkum í annarri umferð milliriðlakeppninnar á laugardaginn. Hvorugur þeirra hefur tekið þátt í lokakeppni EM fyrr en Magnús Óli lék með landsliðinu í lokakeppni HM í Egyptalandi fyrir ári.

- Auglýsing -

Nýjustu fréttir

- Auglýsing -