Tveir í sóttkví og einn í banni

Bergvin Þór Gíslason leikur ekki með Aftureldingu á næstunni. Mynd/Raggi Óla

Enn flísast úr liði Aftureldingar í Olísdeild karla en Mosfellingar leika við Selfoss á Varmá klukkan 19.30 í kvöld.

Gunnar Magnússon, þjálfari Aftureldingar, hefur staðfest við handbolta.is að tveir leikmenn úr hópi hans séu komnir í sóttkví og að um sé að ræða þá Halldór Ingi Jónasson og Gunnar Kristinn Malmquist Þórsson.

Eins og áður hefur komið fram á handbolta.is var Þorsteinn Leó Gunnarsson úrskurðaður í eins leik bann á fundi aganefndar fyrr í vikunni.

Þremenningarnir tóku þátt í tveimur fyrstu leiki Aftureldingar í Olísdeildinni.

Fjarvera þremenninganna í kvöld bætist ofan á fjarveru a.m.k. þriggja manna sem eru meiddir og hafa ekkert leikið með á mótinu en það eru Birkir Benediktsson, Blær Hinriksson og Guðmundur Árni Ólafsson. Allir eru þeir fjarri góðu gamni vegna meiðsla.

„Við eigum nóg af kjúklingum til að kalla inn í liðið,“ sagði Gunnar Magnússon, þjálfari Aftureldingar, léttur í bragði þrátt fyrir ágjafir.

- Auglýsing -

Nýjustu fréttir

- Auglýsing -