Báðir úrslitaleikir Hauka og Vals um Íslandsmeistaratitilinn í handknattleik karla sem framundan eru hefjast klukkan 19.30. Fyrri viðureignin fer fram í Origohöll Valsara á morgun, þriðjudag, og sú síðari verður á föstudaginn í Schenkerhöll Hauka á Ásvöllum.
Sömu reglur verða í gildi og voru á viðureignum átta og fjögurra liða úrslita.
Vinningsröð liða þegar miðað er við Evrópukeppnisfyrirkomulag:
1.Stigasöfnun:
Lið vinnur sér inn stig sem hér segir:
a)sigur, 2 stig.
b)jafntefli, 1 stig.
c)tap, 0 stig.
2.Vinningsröð liða:
Ef liðin hafa jafnmörg stig eftir tvo leiki verður ekki framlengt. Þá verður vinningsröðin, þ.e. hvort liðið verður Íslandsmeistari ákveðin í þessari röð:
a)markamismunur.
b)fleiri mörk skoruð á útivelli.
c)vítakastkeppni.
Fara skal eftir leikreglum HSÍ og IHF um framkvæmd vítakastkeppni.
