- Auglýsing -
Serbneska landsliðið í handknattleik kvenna komst upp að hlið Svía í efsta sæti 6. riðils undankeppni Evrópumóts kvenna í handknattleik í dag. Serbar unnu Tyrki með sex marka mun, 36:30, í Kastamonu í Tyrklandi. Liðin eru með íslenska landsliðinu í riðli í keppninni. Ísland mætir Svíþjóð á Ásvöllum klukkan 19.45 í kvöld og verður frítt inn á leikinn í boði Icelandair.
Íslenska landsliðið mætir Serbum í úrslitaleik um annað sæti riðilsins í Zrenjanin á laugardaginn.
Tyrkir voru með frumkvæðið framan af leiknum í Kastamonu í dag en áður en síðari hálfleikur var á enda hafði serbneska landsliðið komist marki yfir, 17:16. Serbum tókst að halda Tyrkjum í hæfilegri fjarlægð allan síðari hálfleikinn.
Sanja Radosavljevic átta stórleik í serbneska landsliðinu. Hún skoraði 11 mörk í 12 skotum. Marija Jovanovic, leikmaður ÍBV, var ekki í leikmannahópi serbneska landsliðsins að þessu sinni.
Standings provided by SofaScore LiveScore
- Auglýsing -
