U18: Æft utandyra í Skopje í rjómablíðu

Æft utandyra í Skopje. Mynd/Brynja

U18 ára landslið kvenna í handknattleik æfði utan dyra í hádeginu í dag í Skopje í Norður Makedóníu en liðið átti frídag frá kappleikjum eftir tvær viðureignir á jafn mörgum dögum. Veðrið leikur við fólk í höfuðborg Norður Makedóníu og því var ekki úr vegi að nota tækifærið til góðrar æfingar utanhúss eftir átök síðustu daga.


Æft var undir umsjón Þorvaldar Skúla Pálssonar doktors í sjúkraþjálfun en hann er íslenska landsliðinu til halds og trausts á heimsmeistaramótinu.

Að æfingunni lokinni fengu stúlkurnar frjálsan tíma á milli klukkan 13 og 17.30.


Á morgun stendur fyrir dyrum síðasti leikur íslenska liðsins í riðlakeppni heimsmeistaramótsins. Leikið verður gegn Alsír. Flautað verður til leiks klukkan 10.30. Handbolti.is verður að vanda með textalýsingu frá leiknum auk þess sem hægt verður að tengjast streymi frá Jane Sandanski-íþróttahöllinni í Skopje í gegnum forsíðu handbolta.is.


Hér fyrir neðan eru nokkrar myndir Brynju Ingimarsdóttur liðsstjóra frá æfingunni fyrir utan hótelið í rjómablíðu. Myndirnar fékk handbolti.is sendar með hraðpósti.

- Auglýsing -

Nýjustu fréttir

- Auglýsing -