Aníta Eik Jónsdóttir, Þóra Björg Stefánsdóttir og Amelía Dís Einarsdóttir. Mynd/HSÍ

Íslensku stúlkurnar í U18 ára landsliðinu leika í dag úrslitaleik við landslið Serbíu í undankeppni Evrópumótsins í handknattleik. Leikurinn hefst klukkan 17 og fer fram í Sportski Centar “Vozdovac” í Belgrad. Sigurlið leiksins tryggir sér keppnisrétt í A-keppni Evrópumótsins sem fram fer sumarið 2023.


Leikmenn íslenska landsliðsins eru tilbúnar í leikinn eftir tvo góða sigurleiki á móti, gegn Slóveníu, 24:21, og á móti Slóvakíu, 29:26.


Síðasta æfing fyrir leikinn var í keppnishöllinni í gær en dagurinn í dag hefur farið í annan undirbúning fyrir leikinn mikilvæga sem hægt verður að fylgjast með á ehftv.com og eins í stöðu- og textauppfærslu á handbolti.is.


Hér fyrir neðan eru nokkrar myndir frá æfingunni í gær sem Guðríður Guðjónsdóttir, fararstjóri sendi handbolta.is.

- Auglýsing -

Nýjustu fréttir

- Auglýsing -