U19: Lagt á ráðin fyrir Ítalíuleikinn

Leikmenn eru einbeittir á fundi með þjálfurunum Gunnari Andréssyni og Heimi Ríkarðssyni í morgunsárið. Mynd/HSÍ

Eftir tap fyrir Slóveníu í upphafsleiknum á Evrópumeistaramóti 19 ára landsliða í Króatíu liggja leikmenn íslenska landsliðsins og þjálfarar undir feldi þar sem lagt er á ráðin fyrir viðureignina í dag gegn Ítölum. Ítalir komu Serbum í opna skjöldu í gær með þeim afleiðingum að þeir unnu viðureign þjóðanna með tveggja marka mun, 28:26.


Íslenska liðið ætlar sér ekkert annað en sigur í leiknum í dag enda er það markmið þess að komast í átta liða úrslit. Til þess verða helst tveir leikir í riðlinum að vinnast. Þriðji leikurinn fer fram á sunnudaginn, gegn Serbíu.


Viðureign Íslands og Ítalíu hefst klukkan 12.30 í dag og verður hægt að fylgjast með útsendingu án endurgjalds á ehftv.com.

Þessa stundina stendur yfir fundur hjá leikmönnum og þjálfurum. Mynd/HSÍ
Gauti Gunnarsson tv.og Arnór Ísak Haddsson eru klárir í slagin gegn Ítölum. Mynd/HSÍ
a>
- Auglýsing -

Nýjustu fréttir

- Auglýsing -