Færeysku piltarnir í U20 ára landsliðinu fengu skell í síðustu umferð B-riðils á Evrópumótinu í handknattleik í Porto í dag. Þeir sáu aldrei til sólar í leiknum gegn Ungverjum og töpuðu með 19 marka mun, 40:21, eftir að hafa verið 11 mörkum undir í hálfleik, 19:8.
Færeyska liðið, rekur lestina í B-riðli með tvö stig, mætir Pólverjum og Norðmönnum á þriðjudag og miðvikudag, liðum úr A-riðli, í keppni um níunda til sextánda sæti á mótinu.
Sá besti var ekki með
Annan leikinn í röð var besti handknattleikmaður Færeyinga, alltént í þessum aldursflokki, Elias Ellefsen á Skipagøtu ekki með vegna meiðsla. Það er svo sannarlega skarð fyrir skilid. Bróðir han Rói var markahæstur í dag með fimm mörk.
Arnór og Danir fóru áfram
Danir og Ungverjar náðu tveimur efstu sætum B-riðlis og í átta liða úrslitum. Danir unnu Slóvena áðan, 34:27, og fara þar með áfram í átta liða úrslit með tvö stig en Ungverjar verða án stiga. Slóvenar mæta Pólverjum og Norðmönnum úr A-riðli eins og færeyska landsliðið.
Arnór Atlason er þjálfari danska landsliðsins.
Spánverjar og Portúgalir leik við Dani og Ungverja um sæti í undanúrslitum á þriðjudag og á miðvikudag. Landslið Spánar og Portúgals eru örugg um tvö efstu sætin fyrir lokaumferðina í A-riðli í dag.
Íslenska landsliðið leikur afar þýðingarmikill leik við þýska landsliðið í lokaumferð D-riðils í dag. Flautað verður til leiks klukkan 16 og verður fylgst með leiknum í textalýsingu.
Hér fyrir neðan eru úrslit allra leikja sem lokið er á EM auk stöðunnar í riðlunum fjórum.
