U20: Sigur er það eina sem dugir

Andri Finnsson og félagar í íslenska landsliðinu þurfa á sigri að halda á morgun gegn Króötum. Mynd/Jónas Árnason

Ekkert annað en sigur dugir hjá U20 ára landsliði Íslands gegn Króatíu á morgun í leiknum í milliriðlakeppni Evrópumótsins í handknattleik í Porto. Eftir að Króatía og Ítalía skildu jöfn, 25:25, í riðli Íslands í dag þá eru bæði lið stigi á undan íslenska liðinu eins sjá má á stöðutöflu hér fyrir neðan. Það þýðir að til þess að ná öðru af tveimur efstu sætum riðilsins þarf sigur á morgun.


Jafntefli gegn Króötum nægir ekki jafnvel þótt að svo fari að ítalska liðið tapi fyrir Svartfellingum í hinni viðureign morgundagsins í riðlinum. Þar með væru ítalska og íslenska liðin jöfn að stigum. Ítalska liðið færi þá áfram í keppni um níunda til tólfta sæti ásamt Króatíu vegna þess að ítalska liðið vann íslenska liðið í viðureign liðanna fyrr í keppninni.


Arnór Viðarsson og Adam Thorstensen leikmenn U20 ára landsliðsins. Mynd/Jónas Árnason


Mikilvægt er fyrir íslenska landsliðið að ná öðru af tveimur sætum riðilsins og eiga þess kost að leika um sæti níu til tólf á föstudag og á laugardaginn gegn liðum úr hinum milliriðli liðanna í neðri hluta mótsins. Af því að Þýskaland, sem verður gefstgjafi, heimsmeistaramóts karla, er í átta liða úrslitum, þá fá liðin sem hafna í ellefu efstu sætunum farseðil á heimsmeistaramót 21 árs liða sem haldið verður í Grikkland og Þýskalandi í lok júní og í byrjun júlí á næsta ári.


Komist Ísland ekki áfram á HM á næsta ári þá bíður liðsins ekkert verkefni á næsta ári.

Staðan í riðlinum fyrir leiki morgundagsins.

LSJTMarkat.Stig
Króatía211053-503
Ítalía211052-513
Ísland210167-552
Svartfjallaland200253-690
- Auglýsing -

Nýjustu fréttir

- Auglýsing -