U20: Tíu marka tap í kaflaskiptum leik, myndskeið

Farið yfir stöðuna. Einar Andri Einarsson, þjálfari og leikmenn hans. Mynd/Jónas Árnason

U20 ára landslið Íslands í handknattleik karla tapaði með 10 marka mun fyrir Dönum í fyrri vináttuleik liðanna í Faxe Hallen á Sjálandi í kvöld, 34:24. Afar slök frammistaða í fyrri hálfleik skipti sköpum þegar upp var staðið. Danska liðið, undir stjórn Arnórs Atlasonar, var tíu mörkum yfir þegar gengið var til búningsherbergja eftir 30 mínútur, 20:10.

Hér er Andri Finnsson að skora eitt átta marka sinna. Myndskeið/Jónas Árnason



Íslensku piltarnir byrjuðu síðari hálfleik vel. Þeim tókst að minnka forskot Dana niður í fjögur mörk, 24:20. Í þeirra stöðu fór dauðafæri forgörðum hjá íslenska liðinu. Eftir það fór allt í skrúfuna, ekki síst á síðustu tíu mínútunum. Danir gengu á lagið og tókst að bæta við forskot sitt og vinna stóran sigur. Liðin mætast öðru sinni á morgun.

Hlýtt á þjóðsönginn fyrir leikinn við Dani í kvöld. Mynd/Jónas Árnason


Mörk Íslands: Andri Finnsson 8, Benedikt Gunnar Óskarsson 4, Andri Már Rúnarsson 3, Kristófer Máni Jónasson 2, Jóhannes Berg Andrason 2, Gauti Gunnarsson 2, Breki Hrafn Valdimarsson 1, Þorsteinn Leó Gunnarsson 1, Arnór Viðarsson 1.

Íslensku piltarnarnir ganga inn á leikvöllinn. Mynd/Jónas Árnason
- Auglýsing -

Nýjustu fréttir

- Auglýsing -