Umspilskeppnin í uppnámi

Elvar Ásgeirsson t.v. í leik með Nancy. Mynd/Nancy

Umspilskeppni frönsku 1. deildarinnar er komin í uppnám eftir að smit greindist í leikmannahópi Dijon sem átti að mæta Elvari Ásgeirssyni og félögum í Nancy í dag öðru sinni í undanúrslitum. Leikurinn átti að fara fram í Nancy.


Eins og sakir standa er óvíst um framhaldið í rimmu Nancy og Dijon. Á heimasíðu deildarinnar kemur fram að greint verði frá næstu skrefum þegar kemur fram á daginn. Framundan er 12 daga einangrun hjá leikmönnum Dijon.

Elvar og félagar unnu fyrri leikinn á miðvikudagskvöld þegar liðin mættust í Dijon, 29:27.


Í hinni viðureign undanúrslitanna mætast Cherbourg og Massy Essonne. Ekki er annað vitað en að liðin leiði saman hesta sína í Cherbourg í dag.

- Auglýsing -

Nýjustu fréttir

- Auglýsing -