- Auglýsing -

Undanþága veitt fyrir Ásvelli

Handknattleikssambandi Íslands barst í dag staðfesting á að Handknattleikssamband Evrópu, EHF, hafi samþykkt undanþágu vegna íþróttahússins á Ásvöllum sem keppnishúss fyrir landsleiki Íslands á meðan Laugardalshöll verður lokuð vegna viðgerða.

A-landslið kvenna hefur spilað síðustu þrjá heimaleiki á Ásvöllum og mun nú A-landslið karla færa sína leiki þangað. Alltént má reikna með að heimaleikir A-landsliðs karla í janúar gegn Portúgal og við Ísrael í mars fari fram í Schenkerhöllinni á Ásvöllum í Hafnarfirði. Báðar viðureignir verða liður í undankeppni EM2022.

Í tilkynningu tekur HSÍ fram að það vilji þakka Haukum fyrir að bregðast vel við beiðni um að leikir landsliðsins færist á Ásvelli.

- Auglýsing -
- Auglýsing -

Nýjustu fréttir

- Auglýsing -