Ungir Valsarar gerðu það gott í Viborg

Valsliðið sem kemur heim með gullverðlaun úr keppni A-liða í Generation viborg cup í 15 ára flokki. Stúlkurnar á myndinni eru f.v.: frá vinstri: Laufey Helga Óskarsdóttir, Hrafnhildur Markúsdóttir, Ester Elísabet Guðbjartsdóttir, Ísold Hallfríðar Þórisdóttir, Arna Sif Jónsdóttir, Sigrún Erla Þórarinsdóttir, Eva Steinsen Jónsdóttir og Anna Margrét Alfreðsdóttir. Mynd/Aðsend

Valur 08 vann gullverðlaun á Generation Handball hátíðinni í Viborg á Jótlandi í 15 ára flokki stúlkna. Þær unnu Vestmanna frá Færeyjum með sex marka mun í úrslitaleik 21:15. Að sögn þjálfara voru allar stúlkurnar frábærar í leiknum og Laufey Helga Óskarsdottir var valin besti leikmaður úrslitaleiksins.


Þjálfari er Björn Ingi Jónsson og honum til aðstoðar eru Óskar Bjarni Óskarsson og Grétar Áki Andersen.


Valsliðin létu ekki þar við sitja því í B-úrslitum í flokki 17 ára piltaliðs vann Valur til gullverðlauna og stúlknaliðið hafnaði í öðru sæti í B-úrslitum.


Í flokki 15 ára piltaliða féll Valur úr keppni í undanúrslitum.

- Auglýsing -

Nýjustu fréttir

- Auglýsing -