Neðsta lið Grill 66-deildar karla, ungmennalið Fram, gerði sér lítið fyrir og vann sinn fyrsta leik á keppnistímabilinu í kvöld í Dalhúsum þegar liðið sótti Vængi Júpiters heim í 17. og næst síðustu umferð. Lokatölur í Dalhúsum voru 26:24 fyrir Framara sem voru einnig yfir í hálfleik, 13:10.
Fyrir leikinn í kvöld hafði ungmennalið Fram tapaði 15 leikjum og gert eitt jafntefli. Ljóst að menn hafa ekki látið hug falla þrátt fyrir að úrslitin hafi ekki verið þeim hagstæð á keppnistímabilinu. Leikmenn Vængjanna virðast hinsvegar hafa misst móðinn eftir því sem á keppnistímabilið hefur liðið og lítur út fyrir að löng hlé hafi ekki haft góð áhrif á þá. Vængirnir eru í næst neðsta sæti deildarinnar.
Mörk Vængja Júpiters: Aron Heiðar Guðmundsson 8, Andri Hjartar Grétarsson 6, Brynjar Loftsson 3, Jón Hjálmarsson 2, Garðar Benedikt Sigurjónsson 2, Dagur Snær Stefánsson 2, Ragnar Áki Ragnarsson 1.
Mörk Fram U.: Róbert Árni Guðmundsson 7, Marteinn Sverrir Ingibjargarson 5, Aron Örn Heimisson 3, Stefán Orri Arnalds 3, Aron Fannar Sindrason 3, Kjartan Þór Júlíusson 2, Arnór Róbertsson 2, Guðjón Andri Jónsson 1.
Ungmennalið Selfoss og Vals skildu jöfn í Hleðsluhöllinni á Selfossi í kvöld, 25:25, en liðin eiga sæti í Grill 66-deildinni. Valur var marki yfir í hálfleik, 11:10.
Mörk Selfoss U.: Arnór Logi Hákonarson 6, Ísak Gústafsson 5, Árni Ísleifsson 5, Elvar Elí Hallgrímsson 5, Tryggvi Sigurberg Traustason 2, Haukur Páll Hallgrímsson 1, Andri Dagur Ófeigsson 1.
Mörk Vals U.: Áki Hlynur Andrason 6, Arnór Óskarsson 5, Breki Hrafn Valdimarsson 4, Andri Finnsson 4, Róbert Nökkvi Petersen 2, Tómas Sigurðsson 2, Gunnar Pétur Haraldsson 1, Jóel Bernburg 1.
Staðan í Grill 66-deild karla.
