Leikmenn ungmennaliðs Fram hafa sannarlega ekki lagt árar í bát þótt keppnistímabilið hafi verið þeim mótdrægt og ekkert stig komið í safnið í fyrstu 12 leikjum tímabilsins.
Þeir veittu Fjölnismönnum hörku keppni í gærkvöld og uppskáru að leikslokum sitt fyrsta stig á leiktíðinni með jafntefli, 25:25, eftir að hafa verið marki yfir að loknum fyrri hálfleik, 16:15.
Fjölnismenn sitja í fjórða sæti Grill 66-deildarinnar með 15 stig þegar þeir hafa lokið 13 leikjum og eru jafnir Kríu að stigum.
Mörk Fjölnis: Goði Ingvar Sveinsson 7, Elvar Otri Hjálmarsson 5, Óðinn Freyr Heiðmarsson 4, Alex Máni Oddnýjarson 3, Aron Ingi Heiðmarsson 2, Viktor Berg Grétarsson 1, Ísak Örn Guðjörnsson 1, Aðalsteinn Örn Aðalsteinsson 1, Konráð Jóel Jóelsson 1.
Mörk Fram U.: Marteinn Sverrir Ingibjargarson 5, Aron Örn Heimisson 4, Stefán Orri Arnalds 3, Aron Fannar Sindrason 3, Guðjón Andri Jónsson 3, Arnór Róbertsson 3, Hrannar Máni Eyjólfsson 2, Tómas Bragi Gunnarsson 1, Róbert Árni Guðmundsson 1.
