Unnu ÍBV og leika til úrslita annað árið í röð

Mynd/ J.L.Long

Spænska liðið Costa del Sol Málaga, sem lagði ÍBV í átta liða úrslitum Evrópubikarkeppninnar í handknattleik kvenna í febrúar leikur til úrslita við Rocasa Gran Canaria 7. og 14. maí. Málagaliðið vann ZRK Bekament Bukovicka Banja frá Serbíu í undanúrslitum, 25:21, í síðari viðureign liðanna um helgina og samanlagt, 61:42, í tveimur leikjum.

ZRK Bekament Bukovicka Banja sló Val naumlega út í tveimur leikjum í Serbíu í október. 


Rocasa Gran Canaria hafði betur í tveimur leikjum við HC Galychanka Lviv frá Úkraínu, 53:47. Handbolti.is fjallaði um HC Galychanka Lviv á dögunum en liðið bjó í Tékklandi um nokkurt skeið til þess að búa sig undir leikina. HC Galychanka Lviv vann heimaleikinn sem fram fór í Tékklandi fyrir rúmri viku með eins marks mun, 20:19. 


Costa del Sol Málaga vann keppnina á síðasta ári  og hefur þar með titil að verja. Rocasa Gran Canaria stóð uppi sem sigurvegari í henni fyrir þremur árum. Um leið er þetta í fjórða sinn á sex árum sem Rocasa Gran Canaria kemst í úrslit í Evrópubikarkeppninni og forvera hennar, Áskorendakeppni Evrópu. 

- Auglýsing -

Nýjustu fréttir

- Auglýsing -