Upgjöri toppliðanna frestað vegna ófærðar

Mynd/Hafliði Breiðfjörð

Uppgjöri ÍR og Selfoss í Grill66-deild kvenna sem fram átti að fara í Austurbergi í kvöld hefur verið frestað. Ófært er á milli Selfoss og Reykjavíkur og af þeim sökum verður ekki hægt að koma leiknum við, eftir því sem mótanefnd HSÍ greinir frá.


Þetta er a.m.k. í þriðja sinn sem viðureign liðanna er frestað á síðustu vikum en þau standa best að vígi í Grill66-deildinni þegar litið er til tapaðra stiga til þessa. Selfoss hefur tapað þremur stigum og ÍR fimm. Þar af leiðandi geta úrslit leiksins ráðið miklu um baráttuna um efsta sæti deildarinnar.


Leiknum hefur ekki verið fundinn annar dagur en verið að leita að honum í þéttri dagskrá Íslandsmótsins en keppni í flestum deildum hefur riðlast talsvert á undanförnum vikum.


Stöðu og næstu leiki í Grill66-deild kvenna má sjá hér.

- Auglýsing -

Nýjustu fréttir

- Auglýsing -