Sandra Erlingsdóttir leikmaður EH Alaobrg. Mynd/EH Aalborg Support

Sandra Erlingsdóttir og félagar í EH Aalborg töpuðu naumlega oddaleiknum gegn SønderjyskE í umspili um keppnisrétt í dönsku úrvalsdeildinni á heimavelli í dag, 28:26. SønderjyskE fær þar með tækifæri til að leika við Horsens um sæti í dönsku úrvalsdeildinni en EH Aalborg situr eftir og verður áfram í B-deildinni. SønderjyskE vann tvo leiki en EH Aalborg einn í einvíginu. Allir leikirnir unnust á útivelli.


Viðureignin í dag Nørresundby Idrætscenter var æsilega spennandi og jöfn frá upphafi til enda. Jafnt var eftir fyrri hálfleik, 13:13. Leikmenn SønderjyskE voru yfirleitt á undan að skora í síðari hálfleik, héldu þar með frumkvæðinu. EH Aalborg tókst að minnka muninn í eitt mark, 27:26, þegar 20 sekúndur voru til leiksloka. Nær komust leikmenn liðsins ekki og SønderjyskE skoraði 28. markið rétt áður en leiktíminn var úti.


Sandra stóð fyrir sínu í leiknum. Hún stjórnaði leik liðsins, skoraði fimm mörk, þar af tvö úr vítakasti, og var einu sinni vísað af leikvelli í tvær mínútur.

- Auglýsing -

Nýjustu fréttir

- Auglýsing -