Friðrik Hólm Jónsson t.v. í leik með ÍBV gegn Þór Akureyri í haust. Mynd/Skapti Hallgrímsson, akureyri.net

Hornamaðurinn Friðrik Hólm Jónsson verður ekki með ÍBV fyrr en komið verður inn á næsta keppnistímabil í handknattleiknum. Friðrik Hólm varð fyrir því óláni að slíta krossband snemma árs. Af þeim sökum hefur hann ekkert verið í leikmannahópi ÍBV eftir að keppni hófst á ný í Olísdeildinni þegar leið á síðasta mánuð.


Friðrik Hólm hefur verið annar vinstri hornamaður ÍBV undanfarin ár og deilt stöðunni með Hákoni Daða Styrmissyni eftir að hinn mikli keppnismaður Grétar Þór Eyþórsson dró saman seglin. Þess utan er Friðrik Hólm reyndur eftir nokkurra ára veru í meistaraflokki.

Meiðsli Friðriks Hólm bætast ofan á önnur meiðsli sem herjað hafa á leikmenn ÍBV að undanförnu og handbolta.is sagði frá fyrr í dag.

- Auglýsing -

Nýjustu fréttir

- Auglýsing -