„Útlitið hér heima er örlítið bjartara“

Ómögulegt er að segja hvort af fyrirhugðum landsleikjum verður hér á landi 4. og 7. nóvember. Mynd/EPA

„Við erum ekki vissir um að leikurinn fari fram en staðan er hinsvegar þannig í Ísrael að þar er í gildi útgöngubann og alveg útséð um að leikurinn fari fram þar í byrjun nóvember. Útlitið hér heima er örlítið bjartara,“ sagði Róbert Geir Gíslason, framkvæmdastjóri HSÍ, spurður hvort hann telji að fyrirhugaður leikur við landslið Ísrael í undankeppni EM karla verði leikinn hér á landi 7. nóvember.

HSÍ tilkynnti í morgun að það hafi skipt á leikdögum við Handknattleikssamband Ísrael þannig að í stað þess að íslenska landsliðið sæki landslið Ísraels heim í undankeppninni 8. nóvember verði leikið hér á landi 7. nóvember. Síðari viðureignin er ráðgerð í Ísrael næsta vor.

Þremur dögum fyrir leikinn við Ísrael eiga landslið Íslands og Litháen að mætast í Laugardalshöll, einnig í undankeppni EM karla 2022.

„Eins og staðan er núna hér heima er möguleiki á að við getum leikið báða leikina hér á landi. Hvernig staðan verður í byrjun nóvember veit ég hinsvegar ekki frekar en aðrir. Undirbúningur er hafin af okkar hálfu en það er ljóst að margt þarf að ganga upp til þess að af þeim verði,” segir Róbert Geir sem bíður viðbragða frá Handknattleikssambandi Evrópu vegna ástandsins hér á landi og hvernig haga skuli undankeppninni hvort sem leikirnir fara fram í nóvember eða ekki.

Auk landsliða Íslands, Ísraels og Liháen þá á landslið Portúgal sæti í riðlinum. Til stendur að báðir leikirnir við Portúgal fari fram í byrjun janúar, skömmu áður en flautað verður til leiks á heimsmeistaramótinu í Egyptalandi.

- Auglýsing -

Nýjustu fréttir

Selfossliðið styrkist

Kvennaliði Selfoss í Grill 66-deildinni hefur borist liðsstyrkur fyrir átökin sem hefjast þegar heimilt verður að keppa á ný á Íslandsmótinu í...

Viltu vera með?

Frá og með deginum í dag geta lesendur handbolta.is greitt fast mánaðarlegt framlag til að efla starfsemi hans. Hægt er að greiða...

KA/Þór fékk ítalskt lið

KA/Þór leikur við ítalska liðið Jomi Salerno í 3. umferð Evrópubikarkeppninnar í handknattleik kvenna en dregið var í morgun. Jomi Salerno var...
- Auglýsing -