Valsarar fóru með bæði stigin úr Dalhúsum

Mynd/Eyjólfur Garðarsson

Ungmennalið Vals vann Fjölni/Fylki með þriggja marka mun, 27:24, í Grill66-deild kvenna í handknatteik í Dalhúsum í kvöld. Valsliðið var tveimur mörkum yfir að loknum fyrri hálfleik, 13:11.


Svo er að sjá samkvæmt leikskýrslu að Anna Úrsúla Guðmundsdóttir hafi reimað á sig skóna í Dalhúsum í kvöld og leikið með ungmennaliði Vals. Hún skoraði fimm mörk en eftir því sem næst verður komist er þetta fyrsti leikur Önnu Úrsúlu á keppnistímabilinu.


Hafdís Hera Arnþórsdóttir var atkvæðamet hjá Val með níu mörk. Harpa Elín Haraldsdóttir og Ada Kozicka skoruðu fjögur mörk hvor í jöfnu liði Fjölnis/Fylkis.
Ungmennalið Vals er í sjöunda sæti með 16 stig eftir 17 leiki. Fjölnir/Fylki rekur lestina af 11 liðum deildarinnar með fimm stig.


Mörk Fjölnis/Fylkis: Ada Kozicka 4, Harpa Elín Haraldsdóttir 4, Kolbrún Arna Garðarsdóttir 3, Sigríður Björg Þorsteinsdóttir 3, Telma Sól Bogadóttir 3, Elsa Karen Þorvaldsdóttir Sæmundsen 3, Azra Cosic 2, Katrín Erla Kjartansdóttir 1, Sara Lind Stefánsdóttir 1.

Mörk Vals U.:
Hafdís Hera Arnþórsdóttir 9, Anna Úrsúla Guðmundsdóttir 5, Guðrún Hekla Traustadóttir 5, Kristbjörg Erlingsdóttir 2, Erna Björk Björgvinsdóttir 2, Ingbjörg Fía Hauksdóttir 2, Ásrún Inga Arnarsdóttir 1, Brynja Katrín Benediktsdóttir 1.


Stöðu og næstu leiki í Grill66-deild kvenna er að finna hér.

- Auglýsing -

Nýjustu fréttir

- Auglýsing -