- Auglýsing -

Valsmenn efstir á nýjan leik

Egill Magnússon kemur þrumuskoti að marki Valsarar í kvöld. Mynd/J.L.Long

Valsmenn endurheimtu efsta sæti Olísdeildar karla í handknattleik í kvöld með öruggum sigri á FH í Kaplakrika í kvöld í síðasta leik 3. umferðar, 33:28. Valsmenn voru tveimur mörkum yfir í hálfleik, 17:15.


Valur er þar með stigi fyrir ofan Fram eftir þrjár umferðir. FH er á hinn bóginn í neðri hluta deildarinnar með eitt stig.


Einar Bragi Aðalsteinsson, FH-ingur, grípur í keppnispeysuna hjá Benedikt Gunnari Óskarssyni sem freista þess að finna leið framhjá Jóni Bjarna Ólafssyni og Phil Döhler. Mynd/J.L.Long


Valsmenn voru afar sterkir framan af leik, ekki síst var varnarleikur liðsins góður. FH-ingar sóttu aðeins í sig veðrið þegar á leið fyrri hálfleik og í byrjun þess síðari. Þeir jöfnuðu metin, 19:19, þegar nærri fimm mínútur voru liðnar af síðari hálfleik. Í kjölfarið átti FH möguleika á að komast yfir.

Tækifærið gekk liðinu úr greipum. Valsmenn létu sér það að kenningu verða og stigu á bensíngjöfina og komust mest sjö mörkum yfir, 31:24, þegar sex mínútur voru til leiksloka.


Mörk FH: Jakob Martin Ásgeirsson 6, Ásbjörn Friðriksson 5/4, Jón Bjarni Ólafsson 4, Birgir Már Birgisson 4, Leonharð Þorgeir Harðarson 4, Einar Bragi Aðalsteinsson 2, Egill Magnússon 2, Jóhannes Berg Andrason 1.
Varin skot: Phil Döhler 13/1, 31,7% – Axel Hreinn Hilmisson 2, 28,6%.

Mörk Vals: Arnór Snær Óskarsson 7/2, Benedikt Gunnar Óskarsson 6/1, Stiven Tobar Valencia 5, Magnús Óli Magnússon 4, Tjörvi Týr Gíslason 3, Finnur Ingi Stefánsson 3, Róbert Aron Hostert 2, Þorgils Jón Svölu Baldursson 2, Agnar Smári Jónsson 1.
Varin skot: Björgvin Páll Gústavsson 14/1, 34,1% – Sakai Motoki 0.


Staðan í Olísdeild karla og næstu leikir.

handbolti.is nýtur ekki opin­bers rekstr­­ar­­stuðn­­ings.
- Auglýsing -
- Auglýsing -

Nýjustu fréttir

- Auglýsing -