Valsstúlkur kampakátar eftir sigur á Aftureldingu í kvöld. Mynd/Facebooksíða Vals

Ungmennalið Vals lagði Aftureldingu í hörkuleik í Grill 66-deild kvenna í handknattleik í Origohöllinni á Hlíðarenda í kvöld í lokaleik 13. umferðar. Lokatölur, 28:26, eftir að Valur var einnig með tveggja marka forskot að loknum fyrri hálfleik, 13:11.


Valsliðið byrjaði leikinn betur en viðureignin jafnaðist þegar á leið fyrri hálfleik. Mikil spenna ríkti í síðari hálfleik enda var aldrei mikill munur á milli fylkinga. Heimaliðið hafði betur á endapsrettinum.


Valur hefur þar með 18 stig í öðru sæti og tveimur stigum á eftir ungmennaliði Fram sem trónir á toppnum. Afturelding og ÍR eru í þriðja til fjórða sæti með 14 stig hvort.


Mörk Vals: Elín Rósa Magnúsdóttir 7, Vala Magnúsdóttir 7, Ída Margrét Stefánsdóttir 6, Karlotta Óskarsdóttir 5, Hanna Karen Ólafsdóttir 2, Ísabella María Eriksdóttir 1.
Mörk Aftureldingar: Katrín Helga Davíðsdóttir 7, Susan Ines Gamboa 7, Ragnhildur Hjartardóttir 5, Telma Rut Frímannsdóttir 3, Anamaria Gugic 2, Andrea Ósk Þorkelsdóttir 1, Þórhildur Vala Kjartansdóttir 1.

- Auglýsing -

Nýjustu fréttir

- Auglýsing -