Aðalsteinn Eyjólfsson, þjálfari Kadetten Schaffhausen í Sviss. Mynd/Kadetten Schaffhausen

„Segja má að fyrri hálfleikur hafi verið líkastur flugeldasýningu,“ sagði Aðalsteinn Eyjólfsson, þjálfari svissneska meistaraliðsins Kadetten Schaffhausen, um fyrri hálfleikinn í sigurleiknum á Endingen í úrvalsdeildinni þar í landi um helgina. Alls var skorað 41 mark í hálfleiknum, þar af skoruðu leikmenn hans 27 mörk. Einn hálfleikur í handknattleik tekur yfir 30 mínútur svo ljóst er að flugeldasýning er rétta orðið til þess að lýsa þessum fyrri hálfleik.

„Við höfum verið frekar seinir i gang í leikjum okkar fram að þessum og ekki spilað af því getustigi sem fyrir hendi er innan liðsins. Nú brast hinsvegar stíflan og allt kom í svokölluðu flæði,“ sagði Aðalsteinn sem man ekki eftir annarri eins marksúpu í einum hálfleik, þ.e. að annað liðið skori nærri því mark á mínútu á sama tíma hitt liðið skorar heldur ekki mjög fá mörk í hálfleiknum.

Nokkuð rólegra var yfir mönnum í síðari hálfleik en þá voru skoruð samtals 27 mörk en leiknum lauk, 41:27, fyrir Kadetten.

Aðalsteinn tók við þjálfun Kadetten í sumar eftir að hafa þjálfað félagslið í Þýskalandi í rúman áratug.

Kadetten hefur unnið þrjá fyrstu leiki sína í úrvalsdeildinni nokkuð örugglega.

- Auglýsing -

Nýjustu fréttir

Valur dregur lið sitt úr keppni

Valur hefur ákveðið að draga kvennalið sitt til baka úr þátttöku í Evrópukeppni félagsliðs vegna útbreiðslu kórónuveirunnar. Þetta staðfestir Ágúst Þór Jóhannsson,...

Ágúst Elí fór hamförum

Landsliðsmarkvörðurinn Ágúst Elí Björgvinsson átti stjörnuleik í kvöld með KIF Kolding þegar liðið vann granna sína í Fredericia, 31:22, í dönsku úrvalsdeildinni...

Allt gekk á afturfótunum í seinni hálfleik

Daníel Freyr Andrésson og samherjar í Guif fengu slæman skell á heimavelli í kvöld í sænsku úrvalsdeildinni í handknattleik þegar þeir tóku...
- Auglýsing -