- Auglýsing -

Veiran byrjuð að setja strik EM undirbúninginn

Mynd/Eyjólfur Garðarsson

Kórónuveirfaraldurinn er þegar farinn að setja strik í undirbúning landsliða fyrir Evrópumeistaramótið í handknattleik í næsta mánuði. Landslið Sviss hefur afboðað þátttöku sína í fjögurra liða móti sem halda á í Rúmeníu á milli jóla og nýárs. Ástæðan er sú að covid herjar á nokkra leikmenn landsliðsins og óvissan sem henni fylgir.

Michael Sutter landsliðsþjálfari Sviss, vonast til þess að geta hóað mönnum saman til æfinga í Sviss 29. og 30. desember. Eins stendur ennþá til að halda hið árlega Yellow Cup mót í Sviss 7. – 9. janúar.

Kórónuveiran setti strik í reikning nokkurra landsliða í aðdraganda HM í byrjun þessa árs. M.a. tók landslið Sviss sæti á HM á elleftu stundu eftir að bandaríska landsliðið heltist úr lestinni í þann mund sem það var að stíga upp í flugvél í Evrópu á leið til sinni til Egyptalands.

- Auglýsing -
- Auglýsing -

Nýjustu fréttir

- Auglýsing -