Verðskuldað hjá Selfoss og efsta sætið er í höfn

Mynd/Egill Bjarni Friðjónsson

Selfossliðið komst í efsta sæti Grill66-deildar kvenna í kvöld með sex marka sigri á ÍR í Austurbergi í uppgjöri tveggja efstu liða deildarinnar, 32:26. Selfoss hefur þar með 30 stig eftir 17 leiki en ÍR og FH 29. ÍR á tvo leiki eftir en FH einn. Segja má að Selfossliðið ráði eigin örlögum héðan af eftir að það er komið á toppinn.


Aðeins eitt lið fer beint upp í Olísdeildina í vor en þrjú næstu lið taka þátt í umspilsleikjum með næst neðsta liði Olísdeildar.


Selfoss var með yfirhöndina í leiknum í Austurbergi í kvöld nánast frá upphafi til enda. Liðið var með sex marka forskot í hálfleik, 19:13, og var mest sjö mörkum yfir á köflum í síðari hálfleik. ÍR-ingum tókst að minnka muninn í þrjú mörk um miðjan síðari hálfleik en komst ekki nær. Til þess var leikur liðsins alltof kaflaskiptur.


Sé tekið mið af frammistöðu liðanna í kvöld var ekki sigur Selfoss ekki aðeins verðskuldaður heldur er efsta sætið einnig í höndum þess sem það verðskuldar.


Mörk ÍR: Karen Tinna Demian 5/4, Laufey Lára Höskuldsdóttir 5, Fanney Ösp Finnsdóttir 4, Hildur María Leifsdóttir 4, Stefanía Ósk Hafberg 3, Dagbjört Ýr Ólafsdóttir 3, Matthildur Lilja Jónsdóttir 1, Ksenija Dzaferovic 1.
Varin skot: Ísabella Schöbel 11.
Mörk Selfoss: Tinna Sigurrós Traustadóttir 9/1, Tinna Soffía Traustadóttir 8, Roberta Strope 8, Emilía Kjartansdóttir 2, Elín Krista Sigurðardóttir 2, Elínborg Þorbjörnsdóttir 1, Katla Ómarsdóttir 1, Krista Una Hólmarsdóttir 1.
Varin skot: Dröfn Sveinsdóttir 7, Mina Mandic 6.


Stöðuna í Grill66-deild kvenna má sjá hér.

Handbolti.is var í Austurbergi og fylgdist með leiknum í stöðu- og textauppfærslu hér fyrir neðan.

- Auglýsing -

Nýjustu fréttir

- Auglýsing -