Snorri Steinn Guðjónsson, þjálfari karlaliðs Vals. Mynd/Valur

„Hugsanlega er styst í Agnar Smára Jónsson af þeim þremur leikmönnum sem eru frá keppni hjá okkur um þessar mundir,“ sagði Snorri Steinn Guðjónsson, þjálfari Vals, spurður um stöðuna á Agnari Smára Jónssyni, Róberti Aroni Hostert og Þorgils Jóni Svölu-Baldurssyni sem allir eru á sjúkralista liðsins.


„Enginn þeirra þriggja hefur ennþá byrjað að æfa með liðinu af krafti en vonandi getur einhver þeirra látið reyna á sig með liðinu í vikunni. Ég geri ekki ráð fyrir þeim í næsta leik. Við verðum að hugsa lengra fram í tímann en sem nemur einum leik og gefa mönnum tækifæri til þess að jafna sig. Við þurfum á þeim að halda þegar líður lengra fram á tímabilið. Það eru margir leikir eftir af keppnistímabilinu,“ sagði Snorri Steinn Guðjónsson við handbolta.is.

- Auglýsing -

Nýjustu fréttir

- Auglýsing -