Verður áfram í herbúðum meistaranna

Aldís Ásta Heimisdóttir ásamt Elvari Jónsteinssyni við undirritun samingsins í gær. Mynd/KA

Handknattleikskonan Aldís Ásta Heimisdóttir framlengdi í gær samning sinn við Íslandsmeistara KA/Þórs til tveggja ára.


Aldís Ásta, sem er uppalin hjá KA/Þór, lék stórt hlutverk, jafnt í vörn sem sókn, þegar liðið varð Íslandsmeistari í fyrsta sinn í júní fyrra. Aldís Ásta steig sín fyrstu skref í meistaraflokki KA/Þórs tímabilið 2014-2015 og hefur alls leikið 158 leiki fyrir meistaraflokk KA/Þór.


Aldís Ásta lék sinn fyrsta landsleik gegn Serbum í undankeppni EM í október sl. og skoraði sitt fyrsta landsliðsmark gegn Sviss á æfingamóti í Tékklandi í nóvember.


Auk A-landsleikjanna hefur Aldís Ásta með yngri landsliðum Íslands og var m.a á HM í Ungverjalandi með U20 ára landsliðinu sumarið 2018.

Árið 2016 hlaut Aldís Böggubikarinn en hann er veittur ungum iðkanda hjá KA sem skarar framúr bæði innan sem utan vallar.


Á heimasíðu KA kemur fram að í dag á Aldís Ásta 23 ára afmæli.


„Það er gríðarlega jákvætt að halda Aldísi áfram innan okkar raða og klárt að það er áfram bjart framundan hjá liði KA/Þórs,“ segir m.a. í tilkynningu á heimasíðu KA.

- Auglýsing -

Nýjustu fréttir

- Auglýsing -