Verður í sóttkví til 11. apríl

Arnór Þór Gunnarsson. Mynd/Bergischer HC

Arnór Þór Gunnarsson, leikmaður Bergischer HC og fyrirliði íslenska handknattleikslandsliðsins, er ekki í hópi þeirra leikmanna þýska 1. deildarliðsins Bergischer HC sem smitast hefur af kórónuveirunni. Hann staðfestir það í samtali við Akureyri.net í morgun.


Veiran stakk sér niður í leikmannahópinn eftir leik við Erlangen á síðasta laugardag en smit greindist meðal liðsmanna Erlangen í kjölfar viðureignarinnar. Nokkrir samherjar Arnórs smituðust og var öllu Bergischer-liðinu skipað að fara í sóttkví í fyrradag í fyrsta sinn á keppnistímabilinu eins og handbolti.is sagði frá. Leikjum liðsins næstu tvær vikur hefur verið frestað.


„Við verðum í sóttkví til 11. apríl. Þótt ég hafi verið neikvæður í báðum prófunum þarf ég að vera í sóttkví; hér eru aðrar reglur en heima – fólk er allt sett í 14 daga sóttkví þegar svona kemur upp, sama hvað,“ segir Arnór Þór við Akureyri.net.


Frétt Akureyri.net – Nokkrir smitaðir – Arnór ekki í þeim hópi.

Bjarki Már Elísson, landsliðsmaður, dvelur einnig í sóttkví þessa dagana, í annað sinn á leiktíðinni, eftir að smit greindist hjá liðsmönnum Lemgo.

- Auglýsing -

Nýjustu fréttir

- Auglýsing -