- Auglýsing -

Verður Viggó leikmaður nóvembermánaðar?

Viggó Kristjánsson í leik með Stuttgart á síðasta tímabili. Mynd/TVB Stuttgart

Viggó Kristjánsson markahæsti leikmaður þýsku 1. deildarinnar í handknattleik nú um stundir er einn sjö leikmanna sem koma til greina í vali á leikmanni mánaðarins. Kosningin stendur yfir á heimasíðu deildarinnar.


Viggó skoraði 32 mörk fyrir Stuttgart í nóvember og átti auk þess 11 stoðsendingar. Hann var með fullkomna nýtingu í vítaköstum. Flest mörk í einum leik skoraði Viggó gegn Flensburg, 11.

Til viðbótar er Viggó markahæsti leikmaður deildarinnar um þessar mundir með 76 mörk. Þar hefur hann skoraði úr 26 af 27 vítaköstum. Robert Weber hjá Nordhorn er í öðru sæti með 72 mörk og Bjarki Már Elísson, markakóngur síðasta tímabils og leikmaður Lemgo, fylgir fast á eftir í þriðja sæti með 65 mörk.


Hægt er að velja á milli sjö leikmanna. Þeir eru:

Markvörður: Mike Jensen, Balingen-Weilstetten
Vinstra horn: Marcel Schiller, Göppingen
Vinstri skytta: Martin Hanne, Hannover-Burgdorf
Miðjumaður: Marko Bezjak, SC Magdeburg
Hægri skytta: Viggó Kristjánsson, TBV Stuttgart
Hægra horn: Timo Kastening, Melsungen
Línumaður: Hendrik Pekeler, THW Kiel

Áhugsamir geta tekið þátt í kosningunni með því að smella hér.

- Auglýsing -
- Auglýsing -

Nýjustu fréttir

- Auglýsing -