Við ramman reip að draga

Elín Jóna Þorsteinsdóttir, leikur með danska úrvalsdeildarliðinu Ringkøbing Håndbold á næsta keppnistímabili. Mynd/Erik Laursen - aðsend

Eins og við mátti búast var við ramman reip að draga hjá Elínu Jónu Þorsteinsdóttur, Steinunni Hansdóttur og samherjum í Vendsyssel í kvöld þegar þær fengu Danmerkurmeistara Esbjerg í heimsókn í dönsku úrvalsdeildinni í handknattleik. Liðin eru hvort á sínum enda stöðutöflunnar. Esbjerg er efst og hafði aðeins tapað einu stigi fyrir leikinn í kvöld en Vendsyssel neðst með eitt stig.

Yfirburðir Esbjerg-liðsins komu fljótt í ljós. Það hafði tíu marka forskot í hálfleik, 16:6, og vann að lokum með 19 marka mun, 34:15.

Steinunn skoraði eitt mark í tveimur skotum fyrir lið Vendsyssel. Elín Jóna gerði hvað hún gat í markinu og varði alls sjö skot, sem var 20% hlutfallsmarkvarsla.

Staðan í dönsku úrvalsdeildinni.

- Auglýsing -

Nýjustu fréttir

- Auglýsing -