Vika í fyrsta leik í umspilinu

Arnar Gunnarsson og leikmenn HK leggja á ráðin. Mynd/Egill Bjarni Friðjónsson

Fyrsti úrslitaleikurinn í umspili um sæti í Olísdeild kvenna á milli HK og ÍR fer fram eftir viku í Kórnum í Kópavogi, heimavelli HK. Vinna þarf þrjá leiki og komi til fimmta leiksins verður hann háður föstudaginn 20. maí í Kórnum.


HK vann Gróttu í tveimur leikjum í undanúrslitum sem lauk í gær. Á sama tíma lagði ÍR lið FH einnig í tveimur leikjum. ÍR var einnig með í umspilinu á síðasta ári en heltist þá úr lestinni eftir tap fyrir Gróttu í undanúrslitum. ÍR-ingar hafa þar með náð einu skrefi lengra að þessu sinni.


HK var einnig með í umspilinu á síðasta ári og lagði Gróttu í tveimur leikjum. Umspilskeppnin var snubbóttari fyrir ári vegna kórónuveirufaraldursins og aðeins var leikið heima og að heiman á öllum stigum og samanlögð úrslit réðu úrslitum.


Leikjdagskrá umspils Olísdeildar kvenna á milli HK og ÍR:

Mánudagur 9. maí – Kórinn kl. 19.30.
Miðvikudagur 11. maí – Austurberg kl. 19.30.
Laugardagur 14. maí – Kórinn, kl. 14.
Þriðjudagur 17. maí – Austurberg kl. 19.30.
Föstudagur 20. maí – Kórinn kl. 19.30.

- Auglýsing -

Nýjustu fréttir

- Auglýsing -