- Auglýsing -

Víkingar fóru tómhentir úr Krikanum

Sigrún Jóhannsdóttir skoraði sjö mörk fyrir FH í fyrsta leik liðsins í Grill66-deildinni á þessari leiktíð. Mynd/J.L.Long

FH lagði Víking með fjögurra marka mun, 24:20, í Kaplakrika í kvöld í Grill66-deild kvenna í handknatteik. FH-ingar voru marki yfir að loknum fyrri hálfleik, 12:11. Þeir voru heldur með frumkvæðið í leiknum frá upphafi til enda.


FH hefur þar með 18 stig eftir 12 leiki og er stigi á eftir ÍR sem átti leik við Selfoss í kvöld. Leiknum varð að fresta af ástæðum sem flestum ættu að vera kunnugar. ÍR á leik inni á FH. Selfoss er í efsta sæti með 21 stig að loknum 12 leikjum.


Til viðbótar við toppslag ÍR og Selfoss varð einnig að slá á frest viðureign Gróttu og HK U.


Sömu sögu er að segja um leik Vængja Júpíters og ungmennaliðs Hauka í Grill66-deild karla.


Mörk FH: Fanney Þóra Þórsdóttir 6, Emma Havin Sardarsdóttir 5, Sigrún Jóhannsdóttir 4, Ragnhildur Edda Þórðardóttir 3, Karen Hrund Logadóttir 2, Hildur Guðjónsdóttir 2, Arndís Sara Þórsdóttir 1, Emma Ósk Steinarsdóttir 1.

Mörk Víkings: Arna Þyrí Ólafsdóttir 8, Auður Brynja Sölvadóttir 5, Elín Helga Lárusdóttir 3, Helga Lúðvíka Hallgrímsdóttir 2, Ester Inga Ögmundsdóttir 2.


Stöðuna og næstu leiki í Grill66-deild kvenna má sjá hér.


- Auglýsing -
- Auglýsing -

Nýjustu fréttir

- Auglýsing -