Logi Snædal Jónsson og félagar í Víkingi eru í efsta sæti. Mynd/Víkingur Finnbogi Sigur Marinósson

Víkingur situr áfram í toppsæti Grill 66-deildar karla í handknattleik í 11. umferð sem fram fór í kvöld. Víkingar sóttu tvö stig í heimsókn sinni til ungmennaliðs Hauka í Schenkerhöllina með þriggja marka sigri, 25:22, eftir að hafa verið fjórum mörkum yfir að loknum fyrri hálfleik, 16:12.


Víkingar, undir stjórn Jóns Gunnlaugs Viggóssonar, hafa komið mörgum á óvart í deildinni. Þeir hafa aðeins tapað einum leik og hafa nú 20 stig í efsta sæti eftir 11 leiki, eru tveimur stigum á eftir HK. Efstu liðin tvö mætast í næstu umferð og gætu úrslit þess leiks ráðið miklu um hvort þeirra fer beint upp í Olísdeildina í vor.


Mörk Hauka U.: Þorfinnur Máni Björnsson 7, Jón Karl Einarsson 4, Róbert Snær Örvarsson 3, Jakob Aronsson 3, Ari Sverrir Magnússon 2, Kristófer Mái Jónsson 1, Arnar Ingi Guðmundsson 1, Þórarinn Þórarinsson 1.
Mörk Víkings: Arnar Gauti Grettisson 5, Hjalti Már Hjaltason 5, Jóhannes Berg Andrason 5, Styrmir Sigurðsson 3, Guðjón Ágústsson 2, Logi Snædal Jónsson 2, Egidijus Mikalonis 2, Ólafur Guðni Eiríksson 1.

Staðan í Grill 66-deild karla.

- Auglýsing -

Nýjustu fréttir

- Auglýsing -