- Auglýsing -

Víkingar styrkja sveit sína

Mynd/Eyjólfur Garðarsson

Karlalið Víkings í Grill 66-deildinni hefur borist liðsstyrkur fyrir átökin sem framundan eru í deildinni. Í dag skrifaði Egidijus Mikalonis undir samning við Víking. Hann kemur að láni frá Olísdeildarliði ÍR.

Mikalonis kom til ÍR frá Þrótti Reykjavík í sumar en hefur ekki náð að festa sig í sessi í liði Breiðhyltinga. Hann fékk ekki tækifæri í tveimur fyrstu leikjum ÍR í Olísdeildinni.

Mikalonis verður væntanlega klár í slaginn með Víkingum þegar þeir fá ungmennalið Hauka í heimsókn í Víkina á laugardaginn í annarri umferð Grill 66-deildarinnar. Víkingar unnu ungmennalið Vals í fyrstu umferð á síðasta laugardag í Origohöll Valsmanna, 32:30.

- Auglýsing -
- Auglýsing -

Nýjustu fréttir

- Auglýsing -