Alfreð Gíslason landsliðsþjálfari Þýskalands í handknattleik karla. Mynd/EPA

Forsvarsmenn þýsku deildarkeppninnar vilja gera allt sem í þeirra valdi stendur til þess að hægt verði að koma til móts við óskir Alfreðs Gíslasonar landsliðsþjálfara karla um að fjölgað verði þeim tækifærum þýska landsliðsins til æfinga á næstu vikum og mánuðum.


Uwe Schwenker, forseti þýsku deildarkeppninnar sem er rekin sem sérstakt félag utan vébanda þýska handknattleikssambandsins, segir að unnið sé að lausn á óskum þýska handknattleikssambandsins og landsliðsþjálfarans svo hægt verði að fjölga æfingum. Þetta segir Schwenker í samtali við Handballwoche.

Alfreð freistar þess að stokka upp í landshópnum og sáust þess merki í síðustu viku og um helgina þegar þýska landsliðið mætti portúgalska landsliðinu í tveimur vináttuleikjum í Þýskalandi. Ljóst er að betur má ef duga skal við að púsla saman breyttu landsliði sem getur skipað sér í hóp þeirra bestu á EM sem fram fer í Ungverjalandi og Slóvakíu frá 13. til 30. janúar.

- Auglýsing -

Nýjustu fréttir

- Auglýsing -