- Auglýsing -

Vinni Danir Frakka mæta þeir Svíum í undanúrslitum

Nú er spurningin sú hvort Nikolaj Jakobsen vill mæta Spánverjum í undanúrslitum eða í úrslitaleik. Mynd/Hafliði Breiðfjörð

Ef Danir vinna Frakka í milliriðlakeppni Evrópumótsins í handknattleik vinna þeir riðilinn og mæta Svíum í undanúrslitum á föstudaginn. Tapi þeir leiknum kemur annað sæti riðilsins í þeirra hluta og þar af leiðandi leikur við Spánverja í undanúrslitum. Frakkar leika þá við Svía í hinni viðureign undanúrslita.

Ef íslenska landsliðið kemst í undanúrslit er ljóst að þess bíður leikur við Spánverja.


Spánverjar hrepptu fyrsta sæti milliriðils tvö og leika þar með við liðið sem hafnar í öðru sæti í milliriðli eitt, þeim sem íslenska landsliðið er í. Sænska landsliðið leikur við sigurliðið úr milliriðli eitt.


Þriðja sætið í milliriðli tvö kom í hlut norska landsliðsins. Norðmenn leika um 5. sæti mótsins klukkan 14.30 á föstudaginn við liðið sem verður í þriðja sæti í milliriðli eitt, þeim sem Ísland er í. Hugsanlegir mótherjar eru Frakkland, Holland, Ísland eða Svartfjallaland.


Undanúrslit á föstudag:
Kl. 17.30 – Sigurlið milliriðils 1 – Svíþjóð.
Kl. 19.30 – Spánn – 2. sæti í milliriðll 1.


Bronsleikurinn á sunnudaginn hefst klukkan 14.30. Flautað verður til leiks í úrslitaleiknum klukkan 17.

- Auglýsing -
- Auglýsing -

Nýjustu fréttir

- Auglýsing -