Viggó Kristjánsson í leik með Stuttgart á síðasta tímabili. Mynd/TVB Stuttgart

Staðfest var í gær að Seltirningurinn og landsliðsmaðurinn Viggó Kristjánsson gengur til liðs við SC DHfK Leipzig á næsta ári. Viggó hefur samþykkt tveggja ára samning við félagið sem tekur gildi 1. júlí. Hann lék 13 leiki með Leipzig í upphafi keppnistímabilsins 2019/2020 en lenti svo á milli þilja og var í framhaldinu seldur til Wetzlar hvar Viggó lauk keppnistímabili. Hann er nú á annarri leiktíð með Stuttgart.



Haft er eftir Viggó á handball-world að hann hafi valið að fara aftur til Leipzig vegna mikils áhuga félagsins. Samband hans við forráðamenn liðsins hafi aldrei slitnað þótt upp úr samstarfinu hafi slitnað haustið 2019. Framundan sé áframhaldandi uppbygging í herbúðum Leipzig sem Viggó hafi áhuga á að taka þátt í.


Viggó varð fimmti markahæsti leikmaður þýsku 1. deildarinnar á síðasta keppnistímabili og var um skeið markahæstur. Hann fingurbrotnaði tveimur dögum fyrir fyrst leik Stuttgart í byrjun september og verður vonandi klár í slaginn í byrjun nóvember.

- Auglýsing -

Nýjustu fréttir

- Auglýsing -